Cola Pisci

Si cunta ca 'na vota di 'ddi tempi cc' era 'na lavannara ca jeva a lavari 'a biancaria na 'na funti d'acqua a mari.  E tineva 'n picciriddu, veni a diri di dudici anni, ca tutti 'i jorna s' 'u purtava dappressu. 'U carusu era perciò tutti l'uri e tutti 'i mumenti ittannusi all'acqua,  facennusi 'u bagnu.
Ogni vota ca 'a matri 'u chiamava:
- Cola!
'u giuvineddu cci arrispunneva:
- Chi vôi, matri? Ccà sugnu; 'u bagnu mi staju fannu.
- E chi sempri 'u bagnu ti fai ? !

Doppu menz'ura, 'a matri 'u torna a chiama:
- Cola!
- Chi vôi, matri ?
- Unni si?
- 'U bagnu mi sta' fannu.
- E binidittu Diu, chi sempri ammoddu stai! Aiutiti, a matri, ca ni nn' hamu a ghiri
Perö 'u figghiu di I'acqua ancora non nisceva, e quasi ca accuminciava a scurari.
Siccomu si fici tardu, so matri, puvuredda,  s'addannava, e 'u chiama pp' 'a terza vota:
-  Cola!  O Cola!
- Chi vôi, matri?
- Unni si?
- 'U bagnu mi sta’ fannu.
- E chi sempri 'u bagnu ti fai?!  Pozza c'addivintassi pisci ppi sempri!

Eccu ca 'a 'razzia a so matri fu cuncessa: so figghiu addivintau pisci; menzu di sutta pisci, menzu di supra cristianu.
Allura so matri 'u chiama: ma Cola non vinni cchiu.
- Cola!
- Matri, matri, ju sugnu ccà, ma non pozzu veniri cchiù 'nfrunti a vui; picchì a malirizioni ca m'aviti mannatu m' arrivau. Eccumu. Su vui vuliti vidiri a mia, staju sempri all'acqua, ma comu pisci, no comu cristianu. Vardàti, matri!

Jetta 'n sautu na l'aria, e so matri vitti ca era menzu pisci e menzu cristianu.
Allura, cci dici 'a matri a tutti 'i genti:
- Persi 'n figghiu, beddu  ca 'i stissi ô munnu no n'esistevunu; e ppi ju malidicillu, Cristu cuncessi 'a 'razzia ca iddu addivintau pisci e nta 'a me casa non 'u viu cchiù

Si spargi ora 'a vuci na lu populu, ca tutti 'i genti sanu ca Cola addivintau pisci ; e tutti 'j genti vanu a mari, a taliari 'stu gran spaventu.
E cc' 'u so tempu anchi So Maistà veni a sapiri ca cc'è  'stu pisci  Cola, e 'u va a truvari.
Cci dici:
- Senti, Cola, si' capaci tu di jri ô  funnu e d'arrisistiri nta 'na prufunnità assai?
Lu Cola cci arrispunni:
-  Si, picchl anchi ju cci haju 'u ciatu comu tutti l'autri pisci
- E allura, - dici 'u Re - tumma sutt'acqua e camina pp' affinu ca tu arrivi nto centro d' 'u jalofuru di Missina. Ju  vogghiu sapiri comu è cumminatu.
Arrispunnlu Cola:
- Si, Maistà; vaju subbutu a vidiri 'a prifunnita d' 'u mari comu si trova, e quannu tornu v' 'u cuntu.

Allura, lu Cola, appena ca va o funnu attrova 'na speci di 'n umbrella. 'St'umbrella era cumpostu di tri culonni: una era rutta, una era menza e una era smangiata.
Camina ancora cchiù avanti e trova 'na speci di 'n canali largu. Cola s' accumencia a 'ntirnari nta 'stu canali; ma quannu vidi ca l' acqua non era cchiù  frisca, ca appoi cuminciava a quariari, iddu si nni torna a veni  'n autru viaggiu a galla.

So Maista, ca 'u 'spittava ca  cci  pareva mill'anni ca Cola avissi arriturnatu, quannu 'u vidi turnari, eccu ca si preia e ccu iddu tutti l'autri ca erunu prisenti.
E cci spìunu:
- O Cola, mentri ca tu si' vinutu, cùntini  c'attruvasti dda sutta.
- Haju truvatu 'n umbrella grussali, 'u quali ca aveva tri culonni: una rutta di 'n tuttu, una quasi menza e una era smangiata.
- Bravo! - dici 'u Re - E 'sti tri culonni chi cosa  erunu?
- Maista, chistu e 'n trippéri, ed e 'stu trippéri  ca susteni a tutta 'a Sicilia.  E su veni minu 'n' autra culonna di chissu sugnu sicuru  ca 'a Sicilia si sprufunna a mari.
- E cchiù ch'hai assarvatu? Ch'ha' vistu cchiui?
- Haju vistu 'n billissimu canali granni: caminai affina a 'n certu puntu. Ma siccomu I'acqua vineva càure, mi nn'arriturnai.
- E allura, - dici 'u Re - non mi sapisti cuntari nenti di 'stu canali ca si truvava cchiu avanti!
- Maistà, ju dicu ca 'st'acqua càura ca ju  truvai nta  'stu canali era la 'mbuccatura di I'Etna.
-  Ma, dimmi, tu non la vidisti sicuru?
- No, Maistà, non l' haju vistu.
- E allura, - dici 'u Re - ritorna 'n autru viaggiu nta 'stu canali, e vidi su poi vidiri qualchi cosa di bellu, comu e cumposta I'Etna di sutta.
- Maistà, ritornu ; però vogghiu 'na ferra.  Quannu ju moru, ppi miu signali, 'a ferra assuma, Quannu 'a ferra assuma vô diri ca 'u pisci Cola è mortu. Pero, sugnu sicuru ca 'a  'mbuccatura d' 'a muntagna, nta 'a prufunnità  d' 'u mari, e tutta focu.

Cola tumma 'n autru viaggiu sutt' acqua e 'ccumencia a fari 'a stissa strata, nto stissu canali. E siccomu  'a currenti era spittaculusa, addimurava a fari 'u caminu prestu. Non putennu assarvari bonu com'era cumposta 'a muntagna ancora s'arraggiava e prusicheva avanti;  'nzinu a quannu ca arrivau na 'n puntu ca I'acqua 'u bruciö.
E vinni 'a ferra a galla.
Quannu So Maistà vidi assumari 'a ferra si pigghia 'n gran dispiaciri picchì non potti vldiri 'n' autra vota o pisci  Cola e sapiri com era cumposta a muntagna.
Ma, cuntimpurania pigghiänu 'a ferra di I' acqua e  'a vardänu, eccumu ca si nn' addununu tutti ca unni 'u pisci Cola aveva appuiatu 'a ferra  s'aveva bruciatu quarchi pocu.
E daccuss'i 'u Re si fici cunvintu ca 'u pisci Cola morsi abbruciatu d' 'u gran focu eh' appi a truvari sutta mari.

Salvatore Lo Presti

La pesca e i pescatori nel Golfo di Catania
Archivio per la raccolta e lo studio delle tradizioni popolari italiane
1936

Cola Pisci

Si racconta che una volta di quei tempi c'era una lavandaia che andava a lavare la biancheria in una fonte d'acqua a mare. E teneva un ragazzino, di circa dodici anni, che tutti i giorni se lo portava con se.
Il ragazzo era perciò tutte le ore e tutti i momenti nell'acqua, per farsi il bagno.
Ogni volta che sua madre lo chiamava: - Cola! - il giovanetto le rispondeva:
Che volete mamma? Sono qui; mi sto facendo il bagno.
- E che sempre il bagno ti fai?

Dopo mezz'ora, la madre torna a chiamarlo:
- Cola!
- Che volete madre?
- Dove sei?
- Il bagno mi sto facendo
- E benedetto Dio, sempre a mollo stai! Sbrigati figlio mio, che ce ne dobbiamo andare.

Però il figlio dall'acqua ancora non usciva, e quasi cominciava a diventare buio. Poiché si fece tardi, la madre, poverina, si dannava, e lo chiama per la terza volta:
- Cola! O Cola!
- Che volete madre?
- Dove sei?
- Il bagno mi sto facendo
- E che sempre il bagno ti fai? Che tu possa diventare un pesce per sempre!

Ecco che la grazia a sua madre é concessa: suo figlio diventa pesce; metà pesce di sotto, metà uomo di sopra.
Allora la madre lo chiama: ma Cola non viene più.
- Cola!
- Madre, madre, io sono qua, ma non posso venire di fronte a voi: perché la maledizione che mi avete mandato mi è arrivata. Eccome. Se voi volete vedermi, sto sempre nell'acqua, come un pesce, no come un cristiano. Riguardati, madre!

Fa un salto nell'aria, e sua madre vede che era mezzo pesce e mezzo uomo.
Allora, la madre dice a tutta la gente:
- Ho perso un figlio, bello che uguali al mondo non esistono: e per averlo maledetto, Cristo ha concesso la grazia che lui è diventato un pesce e nella mia casa non vedo più.
Si sparge subito la voce nella popolazione, tanto che tutte le persone sanno che Cola è diventato pesce; e tutte le persone vanno a mare, a vedere questo grande fenomeno.
E col suo tempo anche Sua Maestà viene a sapere che c'è questo  pisci Cola, e va a trovarlo.
Gli dice:
- Senti, Cola, sei capace di andare in fondo al mare e di resistere per molto tempo?
E Cola gli risponde:
- Si, perché io ho lo stesso fiato come tutti gli altri pesci
- E allora, - dice il Re - tuffati sott'acqua e cammina fin quando non arrivi al centro del Galofaro di Messina. Io voglio sapere in che condizione si trova.
Cola rispose:
- Si, Maestà; vado subito a vedere in che condizione si trova il fondo, e quando torno ve lo racconto.

Allora, Cola, appena giunge il fondo marino trova una specie di ombrello. Questo ombrello era composto  da tre colonne: una era rotta, una era mezza rotta e una era corrosa.
Cammina ancora più avanti e trova una specie di canale largo.
Cola comincia ad inoltrarsi  in questo canale; ma quando vede che l'acqua non é più fresca e che più avanti comincia a scaldarsi, decide di risalire a galla.
Sua Maestà, che lo aspettava e che gli pareva fossero passati mille anni per il suo ritorno, quando vede tornare Cola ecco che si rallegra, insieme agli altri presenti.
E gli domanda:
- O Cola, visto che sei tornato, raccontaci cosa hai trovato laggiù.
- Ho trovato un ombrello molto grande, il quale aveva tre colonne: una completamente rotta, una quasi mezza rotta e una corrosa.
- Bravo! - dice il Re - E queste tre colonne come sono fatte?
- Maestà, formano un treppiede, ed è questo treppiede che sorregge la Sicilia. E se viene meno un'altra colonna, di questo sono sicuro, la Sicilia sprofonda a mari.
- E cosa hai osservato di più?  Che hai visto oltre?
- Ho visto un bellissimo gran canale: ho camminato fino ad un certo punto. Ma siccome l'acqua diventava calda me ne sono tornato.
- E allora, - dice il Re - non mi sai raccontare niente di questo canale che si trovava più avanti!
- Maestà, io dico che questa acqua calda che ho trovato nel canale era l'imboccatura dell'Etna.
- Ma, dimmi sei sicuro che non l'hai vista?
- No, Maestà, non l'ho vista.

- E allora - dice il Re - fai un altro viaggio in questo canale,  e guarda se puoi osservare qualcosa di bello, come è composta di sotto l'Etna.
- Maestà, ritorno; però voglio un bastone. Quando io morirò, per mi segnale, il bastone verrà a galla. Quando il bastone verrà a galle vuol dire che pesce Cola è morto. Però, sono sicuro che la imboccatura d' 'a muntagna, nella profondità del mare, è tutta fuoco.

Cola si tuffa per un altro viaggio sott'acqua e comincia a fare la stessa strada, nello stess canale. E poiché la corrente é spettacolosa, tarda a percorrere in breve tempo il percorso. Non potendo osservare bene com'é composta la montagna si incaponisce ad andare avanti; fin quando arriva ad un punto che l'acqua lo bruciò.

E venne il bastone a galla.
Quando Sua Maestà vede venire a galla il bastone si prende un gran dolore, perché non può vedere un'altra volta Cola Pisci e sapere come è composta la montagna.
Ma contemporaneamente pigliano il bastone dall'acqua, lo guardano e si accorgono che dove Cola lo aveva appoggiato si è bruciato un po'.
E così il Re si convince che Cola Pesce è morto bruciato da un gran fuoco, che avrà trovato sotto il mare.

www.colapisci.it