Terra chi trema, a motti parra 'na sula vuci
a natura diventa 'na matri sutta a la Cruci.
Abbraccia i lacrimi di chiddi chi si salvaru
cunsola lu sonnu di chiddi chi non si ruspigghiaru.
Strati chini di respiri, chini di memoria
un cantu di duluri chi dumani faravi storia.
Storia scritta 'nta ogni distinu canciatu
sutta a 'na casa caduta pi essiri ricurdatu.
Di luntanu accantu a chiddu chi era nu purtuni
si vidi un picciriddu 'nginocchiu senza pantaluni
I mani macchiati di sangu, sta scavannu
oggi avia a festeggiari u so compleannu
A notti sugnava na torta, di cannili stutati
u jornu trova i so genitori, i vidi abbracciati
I chiama forti ma non senti nuddu rumuri
di latu un paccu cun scrittu "figghiu auguri"
U nastru russu comi u culuri di so mani
cerca 'na risposta di fedi, semu cristiani.
Cristiani di 'na volontà chi sempri dumanna
di 'na terra chi quacchi vota distratta ni cundanna.
A distanza di anni u regalu non fu mai scartatu
comi 'na reliquia 'nta 'na casa veni cunsirvatu
U niputi i du picciriddu natu oggi u stissu jornu
festeggieravi u so compleannu e chiddu i so nonnu..
