Chista è la terra di Cola Pisci, ca visti genti di
tutti li razzi, di ‘cca passanu Dei, passanu i giganti e pì finiri macari li
briganti e tuttu si fici cu stà filusufia, ca chista è la terra chiù bedda ca ci
sia. Lu suli e lu mari fanu ri curnici, a sti paisaggi
davveru filici, cu nun ci cridi vinissi a taliari li frutti spiciàli di stì
terri patticulari. Nun circari luntano, ‘cà trovi tuttu a purtata di manu.
‘Ntà sti terri ginirusi c’è a storia di l’umanità e
di li so usi: arabi, francisi e spagnoli, vinniru ‘ccà e ficiru figghioli, ‘ntà
stu frattempu si misunu a ‘ghiantari, alivi aranci e ficurinia ca arrivavunu
finu a mari. Li stiddi di la notti ispiravunu lu carritteri, ca cantava cu lu
chiù pi li sentieri.
Fonu chiamati artisti, pitturi e chirumanti ppì
dipingiri stà terra e li so Santi, ma quannu la zagara fici lu so effettu, li
menti si annibbiaru e cumincianu a parrari lu dialettu.
Lu ciauru di li ciuri nun si potti ammucciari e
divintò di fama ‘ntirnaziunali.
E lu spriveri, dò mungibeddu maistusu, è patruni di
ogni vadduni; fui! Fui!! Scammuceddu ca se ti pigghia, di tia si po’ scurdari la
tò famigghia .E propria supra la cran muntagna ci sunu macchi di cerza, vitiddu,
fau e macari castagni, ca fanu voschi di ‘nà natura capricciusa ca quannu chiovi
scoppia furiusa; signuri, ciuri di milli culura, c’è lu focu na sta terra bruna
nu veru triunfu di natura.
Su virdi li so valli, è virdi la collina l’armentu
mangia e vivi l’acqua cristallina, la carni è ginuina! Signuri mei, stà terra è
fantastica, unni vi vutati e unni vi furriati viriti cosi ca nun v’ammagginati,
la manu lu Signuri ci mìsi, pì putiri fari ‘ccussì beddu stu paisi. Si chiama Sicilia sta terra bedda, e iu’ l’amu comu
se fussi na suredda.
Enzociccio
Poetika.it - Pubblicato il 16.06.2006
Non più sul web
