Seculi di maceri stannu sutta
sti casi e, a un'ura 'i notti, mummurìa
u lamentu dì morti: nta l'umbrìa
dù ponti a Ciaera nsinu a Chesa 'a Rutta.
Hannu disgusti! da nova — e cchiù brutta
panzata di cimentu, o è nustalgia
pà vita di na vota, o i cutturìa
'a viggogna di comu si' rridutta?
Nò sàcciu: sàcciu sulu chi, scutannu
ddhi vuci, trema u cori. Ma à matina
nesci u suli di sempri, si nni vannu
i fantàsimi e n'aria duci e fina
ti sfaviddhìa e ti cància, sciurinannu
paci e sirinità: gràzzii, Missina!
Nino Salvatore
Questa città
Secoli di macerie stanno sotto
queste case e, ad un'ora di notte, mormora
il lamento dei morti: nella penombra
del ponte Zaera sino alla Chiesa di Grotta.
Hanno disgusto della nuova - e più brutta -
scorpacciata di cemento, o è nostalgia
per la vita di una volta, o li affligge
la vergogna per come sei ridotta?
Non lo so: so solo che, ascoltando
quelle voci, trema
il cuore. Ma al mattino
esce il sole di sempre, se ne vanno
i fantasmi e un'aria dolce e fine
ti fa sfavillare e ti trasforma, sciorinando
pace e serenità: grazie, Messina!
