Messina oggi è puisia d'amuri ma ci su sempri milli cosi i fari
e o primu cittadinu
"BONSIGNURI"
sti ddu' palori ci l'haju a stampari.
Egregiu signor Sinnicu ccillenti,
Messina è sempri bedda, cunta e
canta;
Pi Lei sta città e cchiù
mpunenti...
Pi chistu lu saluta e sempri u
vanta!
Ne i tirrimoti e mancu li cannuna
ci ponnu chi rinasci cchiù suvrana;
No nni fimmamu e ddamu muzzicuna...
E a tutti ci strazzamu la sultana.
Difènniri sapemu u nostru onuri
e ghiauta purtamu la bannera;
Amara a cu nni tocca li culuri
i sta città ch'è sempri na ciurera.
Pi chistu 'e missinisi ci haju a
diri
mi stannu attenti e di non trascurari...
E si qualcunu n'a voli capiri,
ogni mancanza mi ci a fa pagari.
Vossignuria li vidi certi strati,
cu ffossa e sunnu mali ridduciuti,
troppu banchini mali cumminati
pi curpa i certi emeriti curnuti.
Dunqui, Messina oggi è cchiù
eleganti,
puru si missinisi su scuntenti...
e su scuntenti si! Pi tanti e tanti;
Nta sta città s'avi a stari cchiù
attenti.
