Nchiana u suli a mezzuiornu
e lu ventu sapi i sali
e lu spata nata nata
tagghia u ventri di lu mari
nta lu strittu curri nsumu
cu la fimmina si ioca
e Simuni l'assicuta
grida a tutti: voca voca.
Mari iancu, mari iancu
e lu spata chi cammina
stannu i varchi 'nto canali,
a la posa nmienzu a l'inni.
Ora u mari va gonfiannu
e lu spata curri curri
sauta 'mpazza nuvuliannu
assicuta a fimminedda
e la manu ca si serra
supra u ferru 'nta l'attisa
e la morti ch'è suspisa
supra u pisci ca nun sapi.
Ninu, Francu, Pascalinu,
Pippu, attenti nun sbagghiati,
ca lu spata è palatinu
mai s'arrenni a fiocinati
e lu sangu curri curri
scula a ciumi 'nta lu mari
ora i pisci sunnu nsemi
mai si vosiru lassari.
