Missina

Quannu lu munnu chiù 'ranni diventa
e lu buddhicu 'nta lu culu resta
a vita a Missina allura stenta
e lu mattòriu sona a ogni festa.

Finiti i privilegi e li franchiggi,
fra lotti cù Palemmu e malatìi
i tempi, si non niri, sunnu grigi
prima chi arrivunu li caristìi...

Tra pèsti, caristìi e tirrimoti
triulu, malanova e scuntintizza,
ognunu sinni và 'nnì megghju pòti
e la città si vesti di tristizza.

F. Pirrone
A Storia di Missina

www.colapisci.it