|
 La
passionalità di Teresa Pinto, già dalla prima scena della tragedia in 3
atti, segna la struggente storia di Colapesce e mette in evidenza la forza dei
sentimenti.
QUADRO PRIMO
SCENA PRIMA
Colapesce e Maredda
Colapesce
-
Varda, lu mari è la me casa; canusciu lu so
funnu comu un pisci. Nascii nta li so brazza, criscii dintra la furia di li so
procelle; sugnu 'na petra soì! E comu 'a petra sugnu forti e arditu.
Poviru sugnu, sugnu un piscaturi, e sulu
ò munnu; però
tesori stennu é to pedi, comu 'nu re, 'nu re alla so regina!
Pigghia, su toi: cunchiggh'i perli, rami di curaddu, stiddi di
mari e gigghi ... Pi ttia, pigghiassi di ntá riti anzinu 'a luna! ...
Maredda
-
No, non si' sulu
ò munnu; la to casa è 'u me cori, non è 'u
mari; d'iddu non ti fidari ... non sempri canta canzuni
d'amuri! ... Cu ddi du' mostri chi ntó passu teni - chi mancu
'a porta di l'infernu l'havi! e campunu di sangu cristianu, cu
'nfaccia a Scilla di sciancu si varda, di spaddi, cu Cariddi,
nun si sarva! ... Tu, Cola, troppu l'ami! lu lu sentu nimicu, io
l'odiu ... l'odiu! ... La notti, 'u sentu quannu acchiana a rrina,
lu séntu ca si stenni arretu 'a porta e 'Ilicca 'u me scaluni,
comu un cani ... Mi pari c'amminazza quannu parla, e parla
... parla ... e certi notti sentu chi batti ... A mia mi trema 'u
cori, mi strinciu nta lu lettu e preiu la Madonna di la Lettera
e chiamu a ttia! ...
Colapesce
-
Calmati, amuri miu! Tu si'
gilusa! ... sì, si' gilusa di st'equoreo amuri ... Oh ... fimmina
non è, non ti scantari! ... (Rivolto al mare con orgoglio).
E'
'u me mari! U nostru mari! Ntó munnu non l'attrovi
n'autru eguali! E'
u mari di lu Strittu di Missina! E'
'ncantatu!
E'
fatatu! (Con trasporto). Quannu sprizza faiddi di
diamanti, e s'avvicenna un ventu biancu di sognu; quannu
vilata, supra all'acqua rizza, passìa 'na Fata e tessi 'a
'ncantasciuni cu pezz'i celu e'ncenzu profumatu; mentri 'nu
specchiu, ppi si taliari, 'u celu nta ddu puntu ci suspenni,
l'amuri fannu lu Ioniu cú Tirrenu, sutta all'occhi!
Maredda
Colapesce
-
E mi chiama ... mi chiama ...
Eppuru ... Vassumigghia. Quannu vardu i to occhi, tu,
diventi luntana; arretra
la pupilla, e l'iridi sprufunna dintra un lagu, unni passanu umbri e
ripassanu appena, cu ddu stissu misteru - comu fossi distinu chi mi
chiama ... mi chiama! ...
Maredda
-
Un sensu oscuru hannu sti to paroli chi non sacciu capiri. 0 Cola, Cola
... e puru tu, misteru si' ppi mia! Ma dimmi, tu, cu sini veramenti?
Colapesce
-
Oh! non mi fari dumanni ... lassa iri
Maredda, lassa iri ... (Riprendendosi, quasi allegro). Sugnu Cola, 'u
to Cola, non ti basta?
Maredda
-
T'hannu vistu di notti i piscatura passannuti vicinu chi
lampari; t'hannu vistu nta facci ... pari mortu! ... Dici 'a genti chi
quannu a sarvataggiu ti ietti dint'all'occhiu di lu vortici, drittu scinni alla
rupi di Cariddi, poi torni ... cu la vucca 'nsaguinata. Dimmi, Cola, ppi ogni vita umana quali prezzu scunti lu riscattu un mostru chi fu figghia di la Terra?
Colapesce
-
Oh, non mi fari dumanni! ... Non mi fari dumanni! ... Un jornu, e forsi
...
(Evitando di guardarla, fa
l'atto di allontanarsi).
Maredda
-
No, amuri miu, chidda chi sia la sorti, mi votu
'o to
distinu! Lu juru pi ddu funnu di lu celu, 'nfacci a ddu ranni Santu
Sarvaturi dú cunventu chi fici re Ruggeru!
Colapesce
Maredda
................ ecc..
Leggi in
"Colapesce: L'angelo dello Stretto"
Tragedia in 3 atti di Teresa Pinto
Arnoldo Siciliano Editore
www.colapisci.it
|
