Si cunta d'un picciotto di Missina
chi stava a mari di prima matina
ammatula so' matri lu chiamava,
'a moddu cu li pisci iddu jucava,
- Ca' diventassi pisci arma dannata,
so matri disperata jastimau
e Cola veru pisci addivintau,
e di lu mari chiù 'n s'arrassau.
Si sa più presto da tuttu lu munnu,
chi Cola cu li pisci stava 'n funnu,
e sì 'na cosa a mari si gittava,
di ghjocu sempre a galla la purtava,
o quannu di l'abissi ritornava,
li meravigghi visti raccuntava,
e cu' pi' so' disgrazia l'ascutava,
di iri a travagghiari si scurdava
Un jornu lu chiamau re Federicu,
- Attentu Cola chiddu chi ti dicu
s'hai osatu a iri 'n funnu di lu mari
sta terra nostra cu' la fa trimari,
misteru chi tu sulu po' chiariri,
dicennuci 'na sutta soccu viri,
l'affannu du lu re Cola capiu,
e 'n menzu all'unni prestu scumparìu.
Appena di lu mari arrivò 'n funnu,
tri voti la Sicilia girau 'ntunnu,
poi dissi - Maestà lu vostru regnu,
su tri culonni sulu havi sustegno,
ancora sunnu dui in bono statu,
trema la terza a Mungibeddu a lato
resiste ancora 'n pocu, ma Missina
è destinata a esseri mischina.
- Oh Colapisci chi mi veni a ddiri,
Missina chista sorti non può aviri,
nà sutta n'autra vota 'a riturnari,
e dimmi che rimedio hamu pigghiari.
A lampu Cola a moddu si tummau,
e a la colonna rutta riturnau,
virennu chi già stava pì crullare
- L'haju cu' li spaddi a suppurtari.
Ora su già passati tanti jorna,
e Colapisci ancora nun ritorna,
- Murìu - dici la gente sospirannu -
ora st'arma dannata nun fa cchiù dannu,
ma i piscaturi cuntanu chi a mare,
di notti spissu sentinu gridare,
- Maiestà ju la colonna reggiu forti,
Missina hamu a salvari di la morti.
Amici cà scutati, ca' finisci,
la storia tristi di Nicolapisci,
né missa né campana pì sunata,
chi l'arma locu sola via dannata,
ma i piscaturi cuntanu chi a mare,
di notti spissu sentinu gridare,
- Maestà priamu tutti la Madonna,
quantu non fa crullare la culonna.
Ancora Cola jé 'n funnu di lu mari,
chi reggi la culonna, pì nun crullare,
e la Sicilia nostra po' trimare,
ma Colapisci nun la fa 'nfunnari,
ma Clapisci nun la fa 'nfunnari.
