Non sentu òdiu e non hàiu rancùri:
‘dda nuccintedda chi mi fici tortu
sunàva ‘a campanèdda dill’amùri,
senza sapìri chi sunàva a mortu;
vitti malati di ‘sta malatìa,
chi senza curpa foru nnigghiatùri
di sangu ‘ntossicàtu chi scurrìa
d’incòddu all’ànciuli succurritùri;
ma puru piccirìddi lazzariàti,
picchì ‘nto giocu non si vadda nenti,
stricàri ch’i cumpagni accaluràti:
piccìtti chi d’a morti sû mittenti!
Chista non è ‘nfruènza di staggiùni!
‘Na gòccia di ‘stu sangu bastirìa
quantu ‘na guerra fa a paragùni:
semu la morti, morti chi firrìa!
Si di la carità semu ciccàti,
di carità n’avèmu a cuntintàri;
‘sta carità non regna strati strati,
è carità di ànciuli ‘ncarnàti.
S’u munnu allura si chiudìu li brazza
non mi cunvìnciu chi ci’hâ dari tortu;
sulu ‘u tô cori ridùttu pezza pezza
a ‘sta svintùra mei desi cunfortu.
Grazie mammùzza pi chiddu chi mi dasti,
pi chiddu chi mi dugni e mi darài;
strìncimi fotti tu chi mi facìsti,
strìncimi fotti tu, mammùzza mei.
Varda chi luci, è tuttu ‘nu splinnùri;
‘u celu è chiàru e ‘u suli si pusàu
supra ê capìddi toi iànchi ‘i dulùri,
‘a maggherìta ora spampanàu.
‘U gessumìnu già nni voli cuntu
e si nnittàru ‘i pètali d’a rosa;
pi tia si ruspigghiàu ‘stu fimmamèntu,
chì ‘sta vicènna mei fu poca cosa!
Non sento odio e non ho rancori: quella piccola
innocente che mi ha fatto torto suonava la campanella
dell’amore, senza sapere che la suonava a morto;
ho visto ammalati di questa malattia che pur senza
averne colpa sono stati untori con il loro sangue verso
i loro caritatevoli soccorritori; ma anche dei bimbi
(sieropositivi) che si erano procurate delle
escoriazioni, perché nel gioco a queste cose non si
bada, venire nella foga a contatto con i loro compagni:
bambini che sono mittenti di morte.
Questa non è influenza di stagione! Una goccia di questo
sangue sarebbe sufficiente a fare ciò che a paragone
potrebbe fare una guerra: siamo la morte, la morte che vaga.
Se il mondo allora mi ha scaricato, non sono convinto di
dovergli dare torto; solo il tuo cuore, ridotto in
briciole, a questa mia sventura ha dato conforto.
Grazie mammina per ciò che mi hai dato, per ciò che mi
dai e per ciò che mi darai; stringimi forte tu che mi
hai generato, stringimi forte tu, mammina mia.
Guarda che luce, è tutto uno splendore; il cielo è
chiaro e il sole si è posato sui tuoi capelli bianchi di
dolore, la margherita ora è sbocciata.
Il gelsomino già impone il suo profumo, e i petali della
rosa si sono ripuliti; per te si è risvegliato questo
firmamento, perché questa mia vicenda è stata una cosa di poco conto!
