'Na pira fatta, supra a 'na piràra,
ci dissi a 'nu funcìttu chi nascía:
- N’avíví spàziu 'nta 'sti cardunàra!
Comu t'arridducísti sutta a mia?
Rènniti cuntu chi non hai sabbízza
si non ti levi 'i sutta prestu prestu.
Non c'è cchiù forza dintra a li mê brazza,
chí sugnu nficatàta a puntu giustu.
- 'A fùncia non è sùrici chi fui!
Truvài cchiù moddu e allura mi muddài.
Vidi si pôi ‘nguantàri un ghiòrnu o dui
pi dari sfogu a lu distínu mei!
- Non hàiu chi mi ti fazzu, fígghiu beddu!
Cosí ti 'nzigni e fai esperienza:
cû cecca di spunnàri aùnni è moddu
trova 'na pira fatta chi cci penza!
La pera matura
Una pera
matura, sopra un albero di pere, disse ad un funghetto
appena venuto alla luce:
- Ne avevi spazio in mezzo a questi cardi! Com'è che ti sei ridotto
proprio sotto di me? Renditi conto che non hai salvezza
se non ti levi da lí sotto al più presto. Non c'è più
forza nelle mie braccia, perchè sono matura al punto
giusto
- Il fungo non è un topo che può fuggire! Ho trovato più morbido ed
allora mi sono deciso. Vedi se puoi resistere un giorno
o due perchè io possa dare sfogo al mio destino!
- Non ho che farti, figlio bello! Cosí impari e fai esperienza:
chi cerca di sfondare dove è morbido, trova sempre una
pera matura pronta a schiacciarlo.
