Firrazzanu e chiddu di la ruttami

'Na vota Firrazzanu mentri passava un vinnituri di ruttami (casalinghi), lu chiamau e cci spijò:
- A comu li vinniti li capitani? (pitali) a pisu o a meritu?
- Comu li vuliti, cci arrispunniu lu vinnituri jucannu.
- E a pisu quantu vannu?
- A vostru piaciri.
E cumminàru lu prezzu.
Allura Firrazzanu cafudda un corpu (colpo) supra un capitanu, e cci dici:
- Pisatimìnni tri unzi di ccà.
Chiddu si misi a gastimari; e Firrazzanu cci dissi:
- Ma chi vuliti? 'Un vinnimu a cummèniu? (come convenuto) Pisu e misura nun ti leva nè ti duna.
E cci lassò ruttu lu vasu.

Palermo
 

Giuseppe Pitrè
Fiabe novelle e racconti popolari siciliani
Vol. III 

www.colapisci.it